In nomine sancte et individue Trinitatis. Ego Vuitbertus cædo aliquid de rebus proprietatis meæ Domino Deo et Sancto Petro et ad locum Cluniacensis cœnobii, ubi domnus Hodilo abbas preesse videtur, pro remedio anime meæ et omnium parentum meorum: hoc est curtiles duos cum duabus vineis sibi invicem choærentibus et unum campum et dimidium pratum in Doieio, in villa que vocatur Comanz, et abet fines ex una parte via publica, ex alia gutta currens, ex alia terra Arsentis femine et Gisleberti; in tali namque ratione, ut quamdiu vixero teneam et possideam, et post meum obitum Sancto Petro et ad locum supranominatum perveniat, et in vestitura per singulos annos dimidium modium de vino persolvam. Sane si quis hanc donationem interrumpere presumpserit, iram Dei omnipotentis incurrat. Actum Cluniaco publice. S. Vuitberti. S. Arleii. S. Leotaldi. S. Aloni. Benedictus scripsit, regnante Rotberto anno V. Dono et unum servum Rodbertum.